Kriza e ushqimit, e cila është intensifikuar që kur Rusia pushtoi Ukrainën, mund të zgjasë me vite, jo me muaj, tha drejtori i përgjithshëm i Organizatës Botërore të Tregtisë Ngozi Okonjo-Iweala, duke shtuar se “veprimet vendimtare duhet të ndërmerren menjëherë”.

Në një intervistë për BBC, Okonjo-Iweala tha se kishte frikë se mungesa e grurit e shkaktuar nga lufta në Ukrainë mund të rezultojë në një “situatë të tmerrshme në mbarë botën”, transmeton portal arbresh.info

Përkatësisht, 42% e vajit të lulediellit, 16% e misrit, 10% e elbit dhe 9% e grurit të eksportuar në mbarë botën vijnë nga Ukraina.

“Nëse dëhstojmë të eksportojmë grurë nga Ukraina tani, dhe që korrja fillon në korrik, ku një sasi e ngjashme drithi mund të dështojë, atëherë është e qartë se kjo situatë do të zgjasë për shumë vite. Mund të jetë një fatkeqësi e vërtetë për pjesë të caktuara të botë”,tha Okonjo-Iweala.

Sipas OBT-së, Afrika do të goditet më tepër sepse shumë vende afrikane importojnë ushqime dhe plehra nga rajoni rreth Detit të Zi./arbresh.info/